حاله محيره فى نعجة

الحاله :
نعجه كبيره بيقول صاحبها انه كان موديها عند الغنام علشان تتكسر للتلقيح وقعدت عنده تقريبا شهر ومره واحده اتصل بيه الى كانت عنده النعجه وقاله تعالى شوف نعجتك مش عارف ايه الى حصلها مره واحده لو هاتدبحها علشان تلحقها وصاحب الحاله مش عارف ايه الى حصل بالضبط حتى الراجل الى كانت عنده مش عارف و يمكن يكون عارف بس مش عاوز يقول علشان يشيل المسئوليه من عليه ومش عاوز يقول هى اكلت ايه بالضبط اخر مره كانت فيها كويسه وبعدين تعبت لما شافها صاحبها منفوخه جابلها 100 سم زيت بارفين وادهاملها فى الفم وبسواله قال ما فيش اى تحسن او تغيير ملحوظ على النعجه .

فحص الحالة :
الحراره 39 درجه .
انتفاخ واضح فى الخاسره اليسرى للنعجه فى صوره هواء .
الروث قليل جدا فى صوره من 4 الى خمسه فقط .
رياله من الفم فى صوره رغاوى.
انطباق الفكين بشكل ملحوظ وصعوبه فى فتحهم .
تكتيف فى الارجل الاماميه والخلفيه وعند مش الحيوان بيجرهم بدايه stiffness فى القوائم .
صاحب الحاله كان قال ان فى مشكله فى العيون يعنى قل كانت بظه لبره وجاب واحد غسلها بمايه وملح واتحسنت بس لما كنت موجود كانت طبيعيه وبسواله هل العين كانت بظه من الجنب طبعا انا قصدى الجفن التالت قال ما اعرفش يعنى صاحب الحاله ما تقدرش تاخد منه case history صح .

انا طبعا وقفت قدام الحاله وكنت محتار بين تششخيصات كتير
1- يعنى ممكن يكون المشكله فى الاكل اكل حاجه تعمل كده انتفاخ او لكمه بس ما حدش عارف هى اكلت ايه وفى نفس الوقت اعتقد ان النفاخ او اللكمه ما يعملوش قفل للفكين بالشكل ده هم ممكن يعملوا مشاكل فى المشى وعرج بس مش الشكل الى انا شوفته.
2- ممكن تكون حاله تيتانوس واعتقد انا كده لان كل الاعرض تمشى والانتفاخ يكون بسبب التيتانوس مع مشاكل القوايم مع العين احتمال كتبير انا ميال له اكتر .
3- ممكن تكون حاله تسمم يعنى اكلت حاجه مرشوشوه بس برده ما تعملش كده.
4- ممكن تكون بالعه كيس او اى حاجه تانيه وده برده احتمال وارد.

على العموم انا تعاملت مع الحاله كالتالى
1- افيال بنسلين بيطرى فى 10 سم ماء عضل وقلت يتكرر 3 ايام متواصله لو فى استجابه .
2- اد3ه 5 سم تحت الجلد برده 3 ايام متتاليه.
3- امبولات ريلاكسين بشرى علشان التيبسات 1 امبوله عضل يوميا لمده 3 ايام .
4- مصل التيتانوس البيطرى 100 سم على يومين اول يوم اديتها 20 سم وريد و30 سم تحت الجلد وقلت يكرر ال 50 سم التانيين اليوم التالى .
5- بالليل يتم اعطاء التالى بالفم نصف كيس لاكسافيت مع نصف كيس سوبر ماش مع 50 جم بيكربونات مع نصف قطعه خميره بيره فى زجاجه ماء عن طريق الفم مع حقن النعجه 5 سم بيكاهيبار او منبيوتون .