استخدام البدائل فى الطب البيطرى( uterine prolapse

الحاله كانت جاموسه ولدت من يومين وصاحب الحاله اتصل بيا وقلى تعالى شفها مالها . لما رحت لقيت بيت الولد( الرحم) طلع بره كله .
المشكله ان الحاله كانت تستدعى التدخل الفورى لان الجزء الخارج من الرحم كان ضاغط على مجرى البول ولو استنيت كان ممكن يحدث انفجار فى المثانه وكذلك ان الرحم كان طالع كله فخفت من انقطاع ال broad ligament و middle uterine artery يعنى نزيف داخلى وموت الجاموسه . وما كنش معايا اى شى والقريه اللى فيها الجاموسه لا تحتوى على صيدليه بيطرى . فوفقنى الله فى عمل الاتى.
1- قمت بغلى شاى ثم تبريده وغمس قماشه فيه ثم وضعها على الجزء الخارج من الرحم ( الشاى المغلى بيحتوى على tannic acid اللى هيقلل من حجم الرحم الخارج)
2- قمت بشراء debocain 2% بشرى وكذلك avil بشرى 3 امبول .
3- قمت بتخدير الجاموسه بالديبوكاين 2% caudal epidural ( وذلك بتحريك الديل لاعلى واسفل والتجويف الذى يظهر بنحقن فيه 10 مل من المخدر بزاويه تقريبا 45 ) وذلك التخدير حتى يمنع التحزيق straining .
4- قمت بتنظيف الرحم وادخاله الى موضعه وللتاكد انه دخل وضعت به خرطوم ومليته ماء.
5- وضعت 8 اقراص تراميسين فى الرحم .
6- حقنت 3 امبولات افيل عضل حتى اقل الحساسيه والهياج فى الرحم.
7- هنا لابد من خياطه حيا الجاموسه(vulval lips) ولكن لا توجد ادوات جراحه فقمت بالخياطه بابره تريكوه والخيوط كانت عباره عن دباره او خيوط شكاره الدقيق . وكانت الخياطه على شكل حرف u وذلك عن طريق ادخال الابره فى احد lips وادخالها فى ال lip الاخر ثم النزول قليلا لاسفل وادخال اللابره فى نفس ال lip والرجوع الى ال lip الاول وبكدا اصبح طرفى الخيط فى الجهه اليمنى وبربط طرفى الخيط نمنع خروج الرحم مره اخرى ( لا بد ان تترك جزء من الاسفل للتبول ) .ولابد من تعقيم الابره والخيوط بالبيتادين البشرى 10 % .
ملحوظه مهمه جدا .
قبل عمل اى شى من السابق لابد من رفع الجزء الخارج من الرحم للسماح للحيوان بالتبول .
وتم فك الخياطه بعد 3 ايام .
وتمت العمليه بحمد لله.

الغرض من الحاله دى هى عدم الوقوف عن الاحتياجات ولا بد من استخدام البدائل وخاصه فى الحالات الحرجه.
وشكرا . من واقع الحالات الحقليه ...........

هاه قريتوا الحاله كويس ؟
اكيد فيه ناس تسالت ازاى انا عرفت ان الجاموسه ما كنش فيها نزيف داخلى .
يا اخوانى هناك خمس او ست حالات بيكون فيها درجه الحراره اقل من الطبيعى وهم كالاتى.
1- النزيف الداخلى
2-حموضه الكرش
3- حمى اللبن المتقدمه
4-الاصابه بالاشريشيا كولاى
5- حاله الجفاف
6-الموت ودى بتكون فيها الحراره 35 او اقل .
واكيد دلوقتى عرفتوا انا عرفت ازاى انها ما وصلتش لدرجه النزيف لانى قست الحراره ولقتها 38.7 .
شكرا . اتمنى انى ما اكنش صدعتكم.